Musikk:Knirkefritt

MUSIKKRUS: Torsdag fekk eg både intervjua og sett Pony the Pirate spele på Hulen.

Som nokre av dykk kanskje har fått med dykk, er Årets Urørt for augneblinken på Norgesturné og spelar land og strand saman med jentebandet Norma Sass. Då åttarbanden inntok Bergen kasta eg meg over intervjuet som stod på sakslista til studentavisa. Litt fordi eg uansett hadde lyst på konserten, og gjerne ville ha billettar gratis. Litt fordi ingen andre tok saka, og eg syntes det hadde vore ei skam om vi ikkje hadde ei sak om dette glimrande bandet som no absolutt er aktuelle.

Frå å vere frelst, har eg no gått over til å vere heilfrelst. Flinke, dyktige store bandet! Eg fekk rettnok berre intervjua to i bandet, ettersom dei andre måtte gå att og fram med instrumenta sine til scenekanten, men likevel. Musikarar som har humor er absolutt eit pluss. Og det hadde dei. Les heile intervjuet med dei her.

Etter konserten klarte eg sjølvsagt ikkje å halde meg i tøylane, og kjøpte både søt pirat-t-skjorte og EP-en «This is Psychopedia!». Det gledar meg å vete at dei no freister å satse internasjonalt. Og eg kan knapt vente til CD-en deira kjem. Anten til rundt sommarstider eller rundt nyåret. Uansett: Vert kjekt å følgje dette bandet. Trur dei kan gjere det stort.

Pony the Pirate
- på Myspace
- på Urørt
- sin nettstad.

Janne frå Eid utfordra meg til å lage musikkliste. Og slikt tek eg jo på strak arm.

Men medan Janne 2 klarte å avgrense seg til 12 songar, måtte eg heve antal songar til 20. Utfordringa sender eg vidare til Kristin, Rolf og Sissel. De treng sjølvsagt ikkje gjere det like omstendeleg som meg, men heller lage ei liste, om de vil. Sånn. Då gyv eg laus!

FRANZ FERDINAND – KATHERINE KISS ME
Please enable Javascript and Flash to view this Flash video.
Når sant skal seiast vart eg umåteleg skuffa over det ferskaste albumet frå Franz Ferdinand. Mest ingen av songen på plata har framleis ein plass på iTunes hjå meg. Men denne. Heilt, heilt enkle songen synest eg er ei perle. Det er når eg høyrer slik enkel, men herleg gitarklimpring at eg sjølv får pågangsmot når det gjeld å lære meg dette instrumentet betre å kjenne.
Plata: “Tonight” (2009)

PENDULUM – PROPANE NIGHTMARES
Please enable Javascript and Flash to view this Flash video.
Ein fengande og kjapp song eg kom over via sida til Ronny. Pendulum er ei australsk gruppe med base i England. Danna i 2002. Lagar bass- og trommemusikk, eller som ein seier på engelsk “drum n base”. I 2005 hadde dei blant anna ein hit basert på ein remix av “Voodoo People”. Songen til Prodigy.
Plate: “In Silico” (2008)

PONY THE PIRATE – 777
Please enable Javascript and Flash to view this Flash video.
Dette bandet vart Årets Urørt – ein velfortent siger til ein gjeng med heilstøypt sound. Alle songane dei har til nedlasting på Urørt er absolutt verd å laste ned. Eg berre nemner det. Der finn du òg “Walk the Shame”, songen som dei vann konkurransen med. Folka speler i Bergen både i mars og april – og reiser sikkert innom ein stad nær deg òg i tida framover.
Plata: Kjem voneleg i februar/mars.

RÖYKSOPP – HAPPY UP HERE
Please enable Javascript and Flash to view this Flash video.
Første singelen frå Röyksopp si komande plate. Likar du denne snedige songen bør du merke av 23. mars på kalenderen – då kjem “Junior” på marknaden.
Plata: “Junior” (2009)

THE MICROPOPS – MOONLIGHT
Please enable Javascript and Flash to view this Flash video.
Du hugsar kanskje Håkon Njøten frå Idol (Ikkje? Her har du eit klypp til å friske opp hugsen). Saman med blant andre eks-kjærasten Sofie, som òg er ein tidlegare deltakar i TV2-programmet, danna han nytt band. The Micropops. Ny musikk. Nytt image: Store briller, fargerike klede og flatt hår. Og bergensartistar likar vi jo, sjølvsagt. Høyr dei her, på Urørt. Håkon har utforma logoen til bandet, spelar og syng. Ein alt-mogleg-mann, kan man kanskje sige? Blandar herleg 60-talsmusikk med notidas.
Plata: “Nitendo or Devotion” (2008)

INGRID OLAVA – LES MONDES ENGLOUTIS
Please enable Javascript and Flash to view this Flash video.
Kan songar til animasjonsseriar verte ein hit? Ja, absolutt! Og Ingrid Olava sin coverversjon av “Les Mondes Engloutis” er definitivt eit prov på det. Shagma, som den franske serien heiter, gjekk på NRK rundt 1990. Høyr originalen her. Attmed “Stars” er denne noko av det finaste som har kome frå Frøken Ingrid Olava.
Plata: Juliet’s Wishes (2008)

JOAKIM BERG – NÅT FÖR DOM SOM VÄNTAR
Please enable Javascript and Flash to view this Flash video.
Kent-vokalisten Joakim Berg var ein av fleire svenskar som stilde opp då det var snakk om å lage ei plate med coverversjonar av verka til Olle Ljungström. Flaks for ihuga fans som meg, som gjerne seier “ja, takk!” til flest mogleg songar av fantastiske Berg. Ei herleg tolking. Originalen finn du her.
Plata: “Andra Sjunger Olle Ljungström” (2008)

THE HYLER TWINS – THE COOL SONG
Please enable Javascript and Flash to view this Flash video.
Mange coversongar her, merkar eg. Uansett – denne er verd å få med seg ettersom det er sjølvaste Sivert Høyem frå Madrugada som har tatt mikrofonen fatt saman med Cato “Salsa” Thomassen. Denne er henta frå plata som er dedikert til osloartisten St. Thomas som berre vart 31 år gamal.
Eller, som han frå 2005 av kalla seg, Saint Thomas.
Plata: “A Tribute to St. Thomas – A Walk With Me” (2008)

WHITE LIES – TO LOSE MY LIFE
Please enable Javascript and Flash to view this Flash video.
Dei kjem frå London. Dei er tre. Og dei minner meg litt om både Glasvegas og Franz Ferdinand – men kanskje litt meir lik i dei snøgge rytmene til sistnemnde. Fengande er det i alle fall! Kjekt er det i tillegg å vete at dei kjenner til landet vårt og veit at Sverige ikkje er hovudstaden i Noreg, eller omvendt. Eller.. ettersom dei kjenner til Noreg via landskapsmotiv på vasar, er det ikkje godt å vere sikker på kva inntrykk dei står att med. Uansett: Til Europa kjem dei, trioen som er lista opp som eit forventa innslag i musikkåret 2009.
Plata: “To Lose My Life” (2009)

LAST DAYS OF APRIL – LOST AND FOUND
Please enable Javascript and Flash to view this Flash video.
Leit at eg ikkje fann ein betre video til dykk – men det viktigaste er jo at de får eit inntrykk av songen. Ikkje sant? Svensk og ung er han. Meir har eg ikkje tatt meg tid til å finne ut enno.
Plata: “Might As Well Live” (2007)

LILY ALLEN – FUCK YOU
Please enable Javascript and Flash to view this Flash video.
“Fuck you. Fuck you very much.”. Eg elskar måten Lily Allen klarar å synge ganske krasse fornærmingar på ein såpass sukkersøt måte. Litt kjekt er det òg at det er utelukkande mannfolka som får gjennomgå. Tidlegare har ho jo blant anna tatt føre seg stakkarsen som er “Not Big” der det tel. Flott album – og det er framleis rykande ferskt, ettersom det kom ut i byrjinga av februar.
Plata: “It’s Not Me, It’s You” (2009)

ANGUS & JULIA STONE – PAPER AEROPLANE
Please enable Javascript and Flash to view this Flash video.
Angus & Julia Stone er bror og syster frå Australia som har vorte duo. Resten let eg den engelske journalisten Johnny Sharp konstatere: “Most impressive, though, are the songs – simple but blindingly effective acoustic compositions, warm boy-girl harmonies and delicate, less-is-more arrangements. Resistance is surely futile.”
Plata: “Hôtel Costes X – Mixed by Stephane Pompougnac” (2007)

GRAND ISLAND – LOVE IN DECAY
Please enable Javascript and Flash to view this Flash video.
Eigentleg. Sånn heilt eigentleg. Så synest eg røysta til vokalisten er litt for spesiell for min smak. Men resten av songen er så tøff at den likevel er.. ja. God! Gode gitarar. God intro. Godt mellomspel. Nokon må gjerne covre denne! Indirekte tipsar: Ronny.
Plata: “Boys & Brutes” (2008)

VERONICA MAGGIO – MÅNDAGSBARN
Please enable Javascript and Flash to view this Flash video.
I 2007 vart svensk-italienske Veronica Maggio “Årets nykomling” i Sverige på Grammisgalan. Og vi kjem nok til å høyre meir frå ho. (Legg merke til den gode bakgrunnssjekken eg har føretatt her.)
Plata: “Och vinnaren är…” (2008)

KINGS OF LEON – FANS
Please enable Javascript and Flash to view this Flash video.
Kings of Leon er ikkje noko mindre enn fantastiske. Eg elskar røysta til vokalisten. Eg elskar stilen deira. Nettopp difor har eg, etter plata “Only by the Night”, gravd litt lengre bak i diskografien deira. Og fann denne fine songen.
Plata: “Because of the Times” (2007)

GNARLS BARKLEY – GOING ON
Please enable Javascript and Flash to view this Flash video.
Vi kan konstatere med ein gong at dette er ikkje verdas beste live-framføring. Men høyr songen i CD-kvalitet, og du vil forstå kvifor eg har plukka fram denne. Om den kanskje ikkje fakkar deg like fort som “Crazy” gjorde, så burde det ikkje vere langt i frå. Ein stor mann med ei stor og ven røyst.
Plata: “The Odd Couple” (2008)

.. og til slutt dei som ikkje hadde video:

GLUECIFER – YOU KEEP ME UP ALL NIGHT
I mangel av video kan du høyre songen på Myspace, her. God, god rock som diverre har stoppa opp i produksjon. Synd eg ikkje oppdaga dette bandet før etter det vart oppløyst. Sukk.

JOHNDOE MED HOPALONG KNUT – SITTER PÅ EN BOMBE
Ein av fleire gode songar frå plata der norske artistar hyllar Jokke og Valentinerne-vokalist, Joachim Nielsen. På same skive kan ein blant andre høyre Turboneger, Tungtvann og Klovner I Kamp. Coveren er om mogleg endå betre enn originalen.
Plate: “Det beste til meg og mine venner – en hyllest til Joachim Nielsen” (2005).

HOWL – NINETEENSEVENTYFIVE
Frå det norske bandet som står bak den fantastiske songen “Silver Equals Gold” kjem no “Nineteenseventyfive”, begge frå plata “Higher Class of Lush”. Ei plate som Bergens Tidende trilla til seks auge på terningen. Og eg er heilt samd. Howl har verkeleg forstått eitkvart som mange andre ikkje har forstått. De er rockefantastiske! Stikk innom Urørt-sida deira då?
Plata: “Higher Class of Lush” (2008)

SKAMBANKT – FEIL
Har diverre ingen god nok musikkvideo eller konsertklypp liggande på nettet. På Myspace ligg den heller ikkje. I alle fall: Dette er eit knippe av folka frå Kaizers Orkestra. Siddissynging, passeleg hardt og i alle fall veldig fengande. Hadde det ikkje vore for at eg fekk øyresus av det høge volumet på Hulen, hadde konsertopplevinga mi vore utelukkande positiv. Du har nok høyrt dei med singelen “Malin”.
Plata: “Hardt Regn” (2009)

.. sidan eg av og til er litt treig av meg, og ikkje får med meg kven som står bak songane før det går lang tid. Til dømes fem år. Men det var i alle fall Scissor Sisters som var svaret for songen “Laura”. Flaks at den er like fengande no.

Please enable Javascript and Flash to view this Flash video.

David Letterman har introdusert meg for Longhorne Slim. På scena. Litt leiting på YouTube introduserte meg deretter for Longhorne Slim utan scene. Eg likte begge scenarioane, eg.

LANGHORNE SLIM – BE SET FREE
Please enable Javascript and Flash to view this Flash video.

LANGHORNE SLIM – RESTLESS
Please enable Javascript and Flash to view this Flash video.

Please enable Javascript and Flash to view this Flash video.
Eigentleg. Sånn heilt eigentleg. Så synest eg røysta til vokalisten er litt vel spesiell. Men resten av songen er så tøff at den likevel er.. ja. God! Gode gitarar. God intro. Godt mellomspel. Nokon må gjerne covre denne!

iTunes leiter fram musikk som liknar på den eg allereie har. Og vips: Nye oppdagingar er berre eit par klikk unna. La meg presentere nokre av funna mine for dagen.

LAST DAYS OF APRIL – WHO’S ON THE PHONE?
Please enable Javascript and Flash to view this Flash video.
Søt video frå ein ung svenske. Eigentleg var det den rolege “Lost and Found” eg fann – men ettersom den ikkje hadde noko god video, vart det denne. Men sjekk gjerne ut “ballada” òg.

THE WOMBATS – KILL THE DIRECTOR
Please enable Javascript and Flash to view this Flash video.
PS! Likar du The Wombats, bør du seriøst vurdere å skaffe heile plata “A Guide to Love, Loss & Desperation”. Den er god!

JOAKIM BERG – NÅT FÖR DOM SOM VÄNTAR
Please enable Javascript and Flash to view this Flash video.
Endå meir Kent-musikk! Her syng vokalisten Joakim Berg på plata “Andra sjunger Olle Ljungström”.

JOHN FRUSCIANTE – MURDERERS
Please enable Javascript and Flash to view this Flash video.
Frå gitaristen med tilknyting til The Red Hot Chili Peppers.

GLASS PEAR – LAST DAY OF YOUR LIFE
Please enable Javascript and Flash to view this Flash video.

ANGUS & JULIA STONE – PAPER AEROPLANE
Please enable Javascript and Flash to view this Flash video.
Som høyrt på reklame-fjernsynet. Tipsar: Kristin.

Please enable Javascript and Flash to view this Flash video.Dei kjem frå London. Dei er tre. Og dei minner meg litt om både Glasvegas og Franz Ferdinand – men kanskje litt meir lik i dei snøgge rytmene til sistnemnde. Fengande er det i alle fall!

Kjekt er det i tillegg å vete at dei kjenner til landet vårt og veit at Sverige ikkje er hovudstaden i Noreg, eller omvendt. Eller.. ettersom dei kjenner til Noreg via landskapsmotiv på vasar, er det ikkje godt å vere sikker på kva inntrykk dei står att med. Uansett: Til Europa kjem dei, trioen som er lista opp som eit forventa innslag i musikkåret 2009.

Debutalbumet, som dei presenterte i 2008, har fått same namn som debutsingelen: To Lose My Life.

Plutseleg kunne Pony the Pirate føye seg inn i rekkja av “Årets Urørt” saman med Ida Maria og Matias Tellez.

Bandet med base i Oslo var soleklare favorittar både hjå juryen og publikum, då dei fredag kapra den gjeve tittelen “Årets Urørt”. Med 13 090 stemmer av totalt 18 000 stemmer, sikra dei seg statuett, 25000 kroner og ein turné til 18 spelestader i heile Norge. (Obs-obs! 17. april speler dei på Kvarteret – NG2)

Sju(åtte?)mannsbandet, med sine tre kvinner, vann konkurransen med songen “Walk the Shame”. Du har kanskje høyrt om dei før. Til dømes då dei vart intervjua på Waschera på TV2. Allereie er dei plukka ut til å spele på by:Larm, men før den tid skal dei prøve å gi ut ein EP med fem songar. Ifølgje bandet sjølv skal dei i løpet av 2009 i tillegg vere med på å lydgje ei stor norsk filmsatsing.

Det er nok best å merke seg ved namnet “Pony the Pirate” no med ein gong. Men medan vi ventar kan vi kose oss dei songane som allereie ligg ute på verdsveven.

Pony the Pirate på
- Urørt
- MySpace

PONY THE PIRATE – WALK THE SHAME
Please enable Javascript and Flash to view this Flash video.

I skuggen av Artic Monkeys.

Det er ikkje nødvendigvis den flinkaste ungen i klassen som gjer det skarpt når det kjem til faktiske resultat etter endt utdanning. På same vis er det med musikk – det er ikkje nødvendigvis dei som kan gitargrepa best og orda utanboks som klatrar høgst på listene. Det engelske bandet Reverend an the Makers kunne lett vorte ein av desse. Heldigvis ville bransjen det annleis.

REVEREND AND THE MAKERS – OPEN YOUR WINDOW
Please enable Javascript and Flash to view this Flash video.

Vokalist og songskrivar Jon McClure var i heimbyen Sheffield allereie i ein alder av 25 ein traver på scena. Og han prøvde seg i både eitt og to live-band: Judan Suki og 1984. På eit tidspunkt vart han mest for ein mentor å rekne for Artic Monkeys-vokalist Alex Turner. Som ein kuriositet kan eg nemne at “1984″ vert nemnd i AM-songen “I Bet You Look Good On the Dance Floor”.

Men medan Turner og bandet hans vart populære over natta ved å følgje råda til McClure, tok det litt lenger for mentoren sjølv. Då då snøballen starta å rulle for Artic Monkeys, fekk den då arbeidsledige McClure tilbod frå eit plateselskap om å sette saman eit band med same grunnoppskrift som apekattane.

Han let vere. Og danna eit band slik hjartet og hovudet hans sjølv ville. Resultatet vart Reverend and the Makers, som speler ei blanding av dance, electronic og indie rock. 2005 vart året dei debuterte live – og året då dei fekk vere oppvarmarar for Artic Monkeys då dei turnerte.

Første singel i rekkja vart “Heavyweigt Champion of the World”, mai 2007. September same år kom debutplata “The State of Things”.

Reverend and the Makers på
- MySpace
- Verdsveven

GLUECIFER har i dag gitt meg ei Oasis-oppleving.

Ei kva-oppleving?

Ei Oasis-oppleving. Då eg var lita kunne eg ikkje fordra Oasis. Dei laud ikkje godt i øyra mine. Men ein dag høyrte eg dei igjen, og tenkte: “Dette er jo faktisk veldig bra!”. Smaken min hadde plutseleg endra seg.

Mitt forhold til Gluecifer har ikkje utvikla seg på same vis, for eg har tydlegvis forveksla bandet med ein litt anna type musikk enn kva dei faktisk laga. Ved namnet “Gluecifer” tenkte eg metal, type Seppultura og Clawfinger. Men så kom eg plutseleg over “Desolate City” og “Easy Living” av Gluecifer, og tenkjer “er det slik dei høyres ut”?

GLUECIFER – EASY LIVING
Please enable Javascript and Flash to view this Flash video.

Gluecifer var ein gjeng bærumsgutar som flytta til og budde i Oslo. Dei spelte under dette bandnamnet frå 1994 til 2005, og så å sei alle platene deira vart tatt i mot med storm og jubel av kritikarane. Første vesle gjennombrotet fekk dei med vinylsingelen “God’s Chosen Dealer” i 1995.

Saman med svenske Hellacopters etablerte dei seg i 1997 som Skandinavias viktigaste hardrockband då dei lanserte plata “Ridin’ The Tiger”. Men sjølv om mannsgjengen starta tidleg på 90-talet, var det først i 2002 dei fekk stor suksess.

Singelen “Easy Living” var den første singelen dei ga ut med plateselskapet Sony i ryggen. Det vart òg den første singelen deira som sneik seg inn på VG-lista Topp 20. To gonger vart dei nominert til Spellemannsprisen. Og i det siste speleåret sitt, 2005, laga dei soundtrack til filmen Izzat. Songen heitte “Desolate City” og vart i etterkant av filmen sluppe som sjølvstendig singel.

Men dei braut altså opp. Vokalist Biff Malibu og Raldo Useless hadde, etter 11 år, mista motivasjonen for å halde fram. Altfor tidleg å avslutte noko så bra, tenkjer eg, når det først var i 2002 dei verkeleg fekk fart på spelinga.

Ettersom Gluecifer på sett og vis vert eit “nytt band” for min del, har eg heldigvis ein del plater og singlar å kose meg med no. Easy Living har i alle fall hekta meg i dag.

Gluecifer på MySpace.
Gluecifer si heimeside.

GLUECIFER – DESOLATE CITY
Please enable Javascript and Flash to view this Flash video.